«Ժողովրդավարական քաղաքացիության ուսուցում. առաջին անգամ ընտրող» ծրագիրը միտված է նպաստել ժողովրդավարական համակարգերի և ընթացակարգերի նշանակության, ինչպես նաև ազատ և արդար ընտրությունների կարևորության մասին իրազեկվածության աստիճանի բարձրացմանը:
Ծրագիրն աջակցելու է քաղաքականորեն հասուն և իրազեկված քաղաքացիական ընտրազանգվածի ձևավորմանը: Քայլեր են ձեռնարկվելու նաև առաջին անգամ ընտրողներին՝ ընտրական գործընթացին մասնակցելով, իրենց իրավունքները գործադրելը խրախուսելու ուղղությամբ:
Ծրագրի կարգախոսն է՝ ՔՈ ՁԱՅՆԸ ԿԱՐԵՎՈՐ Է
Որոշ մանրամասներ «Ժողովրդավարական քաղաքացիության ուսուցում. առաջին անգամ ընտրող» իրազեկման ծրագրի մասին
Ծրագրի հաջող ընթացքն ապահովելու նպատակով միջոցառումները կիրականացվեն կասկադային ուսուցման մեթոդով:
50 ավագ դպրոցի 50 մանկավարժ կմասնակցի վերապատրաստողների երկօրյա դասընթացի, որի ընթացքում նրանց գիտելիք կփոխանցվի ժողովրդավարության, մարդու իրավունքների, իրավական պետության, ընտրական և քվեարկության ընթացակարգերի մասին: Այս, ինչպես նաև ժողովրդավարության և ընտրությունների թեմայով դերախաղերի վերաբերյալ տեղեկատվությունը վերապատրաստողները մանկավարժներին կփոխանցեն ներդպրոցական վերապատրաստումների հաջորդելիք փուլում:
50 դպրոցների 500 մանկավարժի՝ (յուրաքանչյուր ավագ դպրոցից 10-ական ներկայացուցիչ) աշակերտների քաղաքացիական կրթությունը բարձր չափանիշներով և ժամանակակից մեթոդներով կազմակերպելու գիտելիք ու տեղեկատվություն կփոխանցվի: Ուսուցիչների համար կկազմակերպվեն հատուկ դասընթացներ, թե ինչպես է պետք ընտրությունների թեմայով դերախաղեր անցկացնել աշակերտների հետ:
Մասնակից 50 ավագ դպրոցի 7500 աշակերտ կմասնակցի ժողովրդավարության, մարդու իրավունքների, ընտրական համակարգերի, քաղաքացու իրավունքներին ու պարտականություններին նվիրված դասընթացների և դերախաղերի: Նրանք դպրոցներում կմասնակցեն ընտրական գործընթացներում իրենց քաղաքացիական իրավունքները գործադրելն ուսուցանող դերախաղերի:
«Ժողովրդավարական քաղաքացիության ուսուցում. առաջին անգամ ընտրող» իրազեկման ծրագիրը «Ընտրություններ բոլորի համար 2021- տեղական դիտորդություն և քաղաքացիական հասարակության կողմից քաղաքացիների իրավազորում» ծրագրի բաղադրիչն է:
Ծրագիրը ֆինանսավորվում է Եվրոպական միության կողմից: